<自己也可以拍攝初生嬰兒照👶> @ 新手媽媽遇上奇蹟寶寶

<自己也可以拍攝初生嬰兒照👶>

好多朋友都問我係咪帶咗承孝bb去影初生嬰兒相，其實我係自己同佢系屋企影架咋! 所以今次想同大家分享下個過程~😜

之前聽好多朋友講帶自己嘅bb去影初生嬰兒相，雖然好靚，但閒閒地都要成五千蚊以上，一直精打細算嘅我實在唔捨得用咁大舊錢去影幾張相，但又超級想幫奇跡寶寶影相留念。於是我就決定自己變身成攝影師幫寶寶拍攝寫真集了! 😜

首先我在淘寶買了很多道具，再配合家中有的道具，例如公仔和雞蛋，還有我的好助手(老公和陪月姨姨)，當然唔少得一部SONY相機。

影相的地方最好在窗邊位置，因家中沒有影樓的反光板和大燈箱，所以充足的光線是很重要的! 而影相的最佳時機，就是趁寶寶食飽訓著覺嘅時候! 咁就可以任你擺佈，做咩動作都得😂 幫寶寶打扮完後，助手就要幫手拉起佈景板(其實系一張被)，便可以開始拍攝了! 以為咁就完? 未得未得! 雖然光線充足，但光線仍然唔夠均勻，後期加工令暗部加強是必須的，最後加上你喜歡的filter就大功告成了!!! 👏👏👏